פֿון דער רעדקאָלעגיעליטעראַטורייִדישפּאָעזיע מוזיק דערצײלונגעןפֿילם און טעאַטער

ייִדישלאַנד

מיכאל פֿעלזענבאַום





געבױרן געװאָרן אין 1951. פֿאַרענדיקט אַקאַדעמיע פֿאַר קולטור (MA - טעאַטער, פֿעדאַגאָגיק, אַלגעמײנע געשיכטע פֿון קונסט)  אין סאַנקט־פּעטערבורג און בר־אילן־אוניװערסיטעט אין ישׂראל (ייִדיש און ייִדישע ליטעראַטור). געאַרבעט װי אַ לעקטאָר אין פֿעדאַגאָגישן אוניװערסיטעט אין בעלץ (רעפּובליקאַ מאָלדאָװאַ). גרינדער פֿונעם ייִדישן טעאַטער־סטודיע "מנורה" אין בעלץ (1987). פֿון אָנהײב נײַניקער יאָרן שטעלפֿאַרטרעטער פֿונעם גענעראַל־סעקרעטאַר אין דער פֿעדעראַציע פֿון די ייִדישע קהילות אין רומעניע און גענעראַל־דירעקטאָר פֿאַר ייִדישע בילדונג און קולטור אין רומעניע. אין מיט פֿון די נײַנציקער יאָרן פֿאַרװאַלטער פֿונעם ייִדישן קולטור־צענטער אין תּל־אָבֿיבֿ, מיטרעדאַקטאָר אין י.ל. פּרץ־פֿאַרלאַג, פֿאַראַנטװאָרטלעכער סעקרעטאַר פֿונעם שרײַבער און זשורנאַליסטן פֿאַראײן אין ישׂראל, דירעקטאָר און הױפּט־רעדאַקטאָר פֿון ה. לײװיק־פֿאַרלאַג. מיטגרינדער, דראַמאַטורג און רעזשיסער פֿון דער ייִדישער צװײַג פֿונעם ראָק־טעאַטער דרעזדען (1996 – 2010). פֿון 1996 ביז 2010 לעקטאָר אין די אוניװערסיטעטן פֿון באַזעל, מעלוז, האַמבורג, טריר (דאָצענט).

מיט־מחבר פֿון סצענאַרן צו די אינטערנאַציאָנאַלע טעאַטער־און קינאָ־פּראָיעקטן – "סוחר פֿון װענעציע", 2012, שאַושפּיל־טעאַטער פֿראַנקפֿורט", "באַל אין סאַװױ", 2014, קאָמישע אָפּער בערלין, אוקראַיִניש־פֿראַנצױזישער פֿילם "אין אונדזער סינאַגאָגע", 2015, קיִעװ – שטראַסבורג.  

זינט 2014 הױפּט־רעדאַקטאָר פֿון דער נאַציאָנאַלער אינסטאַנץ פֿאַר ייִדישער קולטור (מדינת־ישׂראל), מיטרעדאַקטאָר פֿון דער סעריע :ביבליאָטעק פֿון דער הײַנטצײַטיקער ייִדישער ליטעראַטור" און דעם אומאָפּהענגיקער ליטעראַרישער צײַטשריפֿט "ייִדישלאַנד", 2018.

מחבר פֿון אַריבער 20 ביכער אױף ייִדיש. איבערגעזעצט געװאָרן אױף אַריבער 20 שפּראַכן. װי רעדאַקטאָר און פֿאַרלעגער אַרױסגעלאָזט אַריבער 150 ביכער, איבער הױפּט אױף ייִדיש.

לאַורעאַט פֿון 7 ליטעראַרישע פּרײַזן, צװישן זײ די פּרעסטיזשפֿולע – דוד האָפֿשטײן־פּרײַז, סעגאַל־פּרײַז, קאָבי װאָהל־פּרײַז אאַ"װ.